ഇന്നലെ...,
നീയെന്‍ ഹൃദയവീണയില്‍ സ്നേഹ സംഗീതമായ് ഒഴുകിയെത്തി...
നീയെന്‍ കര്‍മ്മപഥങ്ങളില്‍ ഉണര്‍വ്വിന്‍ ജ്വാലയായ്‌ പടര്‍ന്നിറങ്ങി...
നീയെന്‍ അഴലിന്‍ നിഴലാട്ടങ്ങളില്‍ സാന്ത്വനക്കുളിര്‍മഴയായ്‌ പെയ്തിറങ്ങി...
അതെ... അനിര്‍വ്വചനീയമായൊരാത്മബന്ധത്തിന്‍ നിര്‍വൃതിയില്‍
അലിഞ്ഞു ചേരുകയായിരുന്നു നമ്മള്‍ ...
ഇന്ന്...,
നീയെന്നെ സ്വപ്നത്തില്‍ നിന്നുമുണര്‍ത്തുമ്പോള്‍...
നിന്റെ ഹൃദയം തേങ്ങുന്നത് ഞാനറിയുന്നു...
നീ നിന്നുള്ളില്‍ നിന്നുമെന്നെ പറിച്ചെറിയുമ്പോള്‍...
നിന്റെയാത്മാവ്‌ നീറിപ്പുകയുന്നതും ഞാനറിയുന്നു...
നീയെന്റെ ഹൃദയത്തിന്റെ പടിയിറങ്ങുമ്പോള്‍...
നഷ്ടപ്പെടലുകളുടെ വേദന ഞാനുമറിയുന്നു...
അതെ... എന്റെ നഷ്ടങ്ങളുടെ പട്ടികയിലേക്ക്
നീയും നടന്നടുക്കുകയാണ്...
നാളെ...,
നീ നിന്റെ സ്വപ്നങ്ങളെ നിന്റെ ഹൃദയത്തിനുള്ളില്‍ തന്നെ കുഴിച്ചുമൂടും...
നീ നിന്റെ ശേഷിച്ച ജീവിതം ഒരു വേദനയോടെയെങ്കിലും ആടിത്തീര്‍ക്കും...
നീ നിന്റെ സ്മൃതിയുടെ പടവിലിരുന്നു തേങ്ങുമ്പോള്‍...
നീയന്നറിയുമോ എന്നാത്മാവ്‌ യാത്ര പറഞ്ഞിറങ്ങിയ നിമിഷം...
അതെ... നിന്റെ വേര്‍പാടിന്റെ വേദനയില്‍...
എന്നേ ഹൃദയം തകര്‍ന്നു മരിച്ചവനാണ് ഞാന്‍ ...
നീയെന്‍ ഹൃദയവീണയില്‍ സ്നേഹ സംഗീതമായ് ഒഴുകിയെത്തി...
നീയെന്‍ കര്‍മ്മപഥങ്ങളില്‍ ഉണര്‍വ്വിന്‍ ജ്വാലയായ്‌ പടര്‍ന്നിറങ്ങി...
നീയെന്‍ അഴലിന്‍ നിഴലാട്ടങ്ങളില്‍ സാന്ത്വനക്കുളിര്‍മഴയായ്‌ പെയ്തിറങ്ങി...
അതെ... അനിര്‍വ്വചനീയമായൊരാത്മബന്ധത്തിന്‍ നിര്‍വൃതിയില്‍
അലിഞ്ഞു ചേരുകയായിരുന്നു നമ്മള്‍ ...
ഇന്ന്...,
നീയെന്നെ സ്വപ്നത്തില്‍ നിന്നുമുണര്‍ത്തുമ്പോള്‍...
നിന്റെ ഹൃദയം തേങ്ങുന്നത് ഞാനറിയുന്നു...
നീ നിന്നുള്ളില്‍ നിന്നുമെന്നെ പറിച്ചെറിയുമ്പോള്‍...
നിന്റെയാത്മാവ്‌ നീറിപ്പുകയുന്നതും ഞാനറിയുന്നു...
നീയെന്റെ ഹൃദയത്തിന്റെ പടിയിറങ്ങുമ്പോള്‍...
നഷ്ടപ്പെടലുകളുടെ വേദന ഞാനുമറിയുന്നു...
അതെ... എന്റെ നഷ്ടങ്ങളുടെ പട്ടികയിലേക്ക്
നീയും നടന്നടുക്കുകയാണ്...
നാളെ...,
നീ നിന്റെ സ്വപ്നങ്ങളെ നിന്റെ ഹൃദയത്തിനുള്ളില്‍ തന്നെ കുഴിച്ചുമൂടും...
നീ നിന്റെ ശേഷിച്ച ജീവിതം ഒരു വേദനയോടെയെങ്കിലും ആടിത്തീര്‍ക്കും...
നീ നിന്റെ സ്മൃതിയുടെ പടവിലിരുന്നു തേങ്ങുമ്പോള്‍...
നീയന്നറിയുമോ എന്നാത്മാവ്‌ യാത്ര പറഞ്ഞിറങ്ങിയ നിമിഷം...
അതെ... നിന്റെ വേര്‍പാടിന്റെ വേദനയില്‍...
എന്നേ ഹൃദയം തകര്‍ന്നു മരിച്ചവനാണ് ഞാന്‍ ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ